Heim

Vinnufundur um landbúnaðarstefnu fyrir Kjalarnes

Details: Created: Friday, 04 November 2016 21:05

Boðað er til opins vinnufundar fyrir íbúa Kjalarness þann 7. nóvember kl. 17:30 í Fólkvangi. Tilefnið er frekari stefnumörkun um framtíðarsýn fyrir landbúnað og landnýtingu á Kjalarnesi.

Í dag er starfandi starfshópur sem hefur það hlutverk að móta landbúnaðarstefnu fyrir allt Kjalarnesið.

Framtíð ESJUNNAR, breyttur fundartími.

Details: Created: Thursday, 03 November 2016 20:25

Að ósk borgarfulltrúa Reykjavíkur færum við áður auglýstan fund fram til miðvikudagsins 9. nóvember.
Íbúasamtök Kjalarness bjóða hér með til opins fundar miðvikudaginn 9. nóvember 2016 kl. 18:00, til þess að ræða pólitíska hugsjón borgarfulltrúa og framtíðarsýn Reykjavíkurborgar á græna treflinum og svæðinu við og í næsta nágrenni við Esjuna.

Fundurinn verður haldinn í Fólkvangi á Kjalarnesi. Við óskum einlæglega eftir nærveru þinni á þessum fundi til þess að eiga uppbyggilegt samtal um skipulagið á og við þetta djásn Reykjavíkur.

Ýmis gögn Íbúasamtakanna er HÉR að finna.

Fréttatilkynning Í.K.

Details: Created: Wednesday, 10 August 2016 20:21

Stjórn Íbúasamtaka Kjalarness hafa sent frá sér fréttatilkynningu vegna fyrirhugaðrar svifbrautar (kláfs) á Esju í mógilsá. En þar segir:

Íbúasamtök Kjalarness leggjast alfarið gegn því að Reykjavíkurborg undirriti samning um leigu á lóðum í hlíðum Esju í tengslum við áætlanir fyrirtækisins Esjuferju ehf. um svifbraut á Esju. Svifbrautin er ekki í samræmi við gildandi skipulag og umsagnaraðilar hjá ríkinu og Reykjavíkurborg vara við framkvæmdunum. Íbúasamtökin gera einnig alvarlegar athugasemdir við stjórnsýslu í tengslum við verkefnið. Svifbrautinni er ætlað að ferja um 150.000 ferðamenn á ári upp á topp Esju, sem í skipulagi hefur verið skilgreindur með lítið útivistarþol. Um er að ræða:

Framtíð ESJUNNAR

Details: Created: Sunday, 16 October 2016 00:04

Íbúar á Kjalarnesi hafa að gefnu tilefni, síðan í febrúar í ár, ítrekað beðið um fund hjá Reykjavíkurborg varðandi hugmyndir um framkvæmdir í Esjuhlíðum sem ríma ekki við núgildandi skilgreiningu á ”græna treflinum”. Ekkert hefur hins vegar orðið úr því.

Frá aðalfundi Í.K.

Details: Created: Tuesday, 09 August 2016 20:26

AÐALFUNDUR ÍBÚASAMTAKA KJALARNESS var haldinn þriðjudagskvöldið 19. júlí 2016 í Fólkvangi.

Til fundarins var boðað fyrst og fremst til að endurvekja Íbúasamtökin.

Fráfarandi formaður Ásgeir Harðarson lýsti stuttlega stöðu félagsins og lagði fram bókhald þess en ekki í formi ársreikninga. Ákveðið var að kjósa starfsstjórn fram að framhaldsaðalfundi sem boðað verði til í haust. Fyrir þann fund verði stjórnin búin að gera ársreikninga undanfarinna ára tilbúna til umfjöllunar og þá samykktar svo starfsemi félagsins komist í eðlilegt horf. Þá fól fundurinn starfsstjórninni að fylgja eftir hagsmunamálum félagsins fram að framhaldsfundinum.

Ilmolíumessa á sunnudaginn kl.11 í Brautarholtskirkju

Details: Created: Friday, 14 October 2016 07:17

Ilmolíu- messa verður í Brautarholtskirkju sunnudaginn 16. október kl.11. Í messunni verður lögð áhersla á íhugun og kyrrð. Sungnir verða rólegir íhugunarsálmar frá Taize og predikunin fjallar um nálægð Guðs. Altarisganga fer fram og biblíuolía verður notuð til að kyrra líkama og sál í upphafi messunnar.

Organisti er Douglas Brotchie og Margrét Grétarsdóttir leiðir íhugunarsálma og messusvör. Verið hjartanlega velkomin til kirkju.

AÐALFUNDUR ÍBÚASAMTAKA KJALARNESS 2016

Details: Created: Wednesday, 20 July 2016 15:12

AÐALFUNDUR ÍBÚASAMTAKA KJALARNESS var haldinn þriðjudagskvöldið 19. júlí 2016 í Fólkvangi.

Til fundarins var boðað fyrst og fremst til að endurvekja Íbúasamtökin.

Fráfarandi formaður Ásgeir Harðarson lýsti stuttlega stöðu félagsins og lagði fram bókhald þess en ekki í formi ársreikninga. Ákveðið var að kjósa starfsstjórn fram að framhaldsaðalfundi sem boðað verði til í haust. Fyrir þann fund verði stjórnin búin að gera ársreikninga undanfarinna ára tilbúna til umfjöllunar og þá samþykktar svo starfsemi félagsins komist í eðlilegt horf. Þá fól fundurinn starfsstjórninni að fylgja eftir hagsmunamálum félagsins fram að framhaldsfundinum.

Starfsstjórnin sem kosin var á fundinum hefur skipt með sér verkum.